ភ្នំពេញ៖ គណៈកម្មការចំពោះកិច្ចទប់ស្កាត់ការរីករាលដាលនៃជំងឺកូវី-១៩ ពាក់ព័ន្ធនឹងការនាំចូលទំនិញមានហានិភ័យខ្ពស់ បានសម្រេចដកចេញការតម្រូវឲ្យយកសំណាកជំងឺកូវីដ-១៩ លើសាច់បង្កកនាំចូលពីប្រទេសឥណ្ឌាបន្ទាប់ពីបើកកិច្ចប្រជុំមួយនៅថ្ងៃនេះ។
ក្នុងសេចក្ដីប្រកាសព័ត៌មានចុះថ្ងៃទី២១ ខែតុលានេះ អគ្គនាយកដ្ឋានគយនិងរដ្ឋាករនិងស្ថាប័នពាក់ព័ន្ធនៅក្នុងគណៈកម្មការចំពោះកិច្ចបានលើកឡើងថា ដោយសារតែមានការថយចុះនៃជំងឺ កូវីដ-១៩នៅក្នុងប្រទេសឥណ្ឌាដែលធ្វើឲ្យហានិភ័យនៃវត្តមានវីរុសកូវីដ-១៩ លើសាច់បង្កកនាំចូលមកកម្ពុជាក៏ថយចុះដូចគ្នា។ គណៈកម្មការបានសំរេចដកចេញការតម្រូវឲ្យយកសំណាករកជំងឺកូវីដ-១៩ លើសាច់នាំចូលពីឥណ្ឌាតែតម្រូវឲ្យឥណ្ឌាធ្វើតេស្តនិងចេញវិញ្ញាបនប័ត្របញ្ជាក់ថាសាច់ដែលបង្កទាំងនោះគ្មានជំងឺកូវីដ-១៩វិញ ចាប់ពីថ្ងៃទី២៥ ខែតុលា តទៅ។
គណៈកម្មការក៏បានឲ្យដឹងទៀតថាក្នុងករណីស្ថានភាពនៃជំងឺកូវីដ-១៩ នៅក្នុងប្រទេសឥណ្ឌាប្រកាន់តែធូរស្រាលនោះ វិធានការធ្វើតេស្តរកជំងឺកូវីដ-១៩ លើសាច់បង្កកនឹងត្រូវដកវិញទាំងស្រុងចាប់ពីថ្ងៃទី១ ខែមករា ឆ្នាំ២០២២។
កាលពីចុងខែកក្កដា ឆ្នាំ២០២១ អាជ្ញាធរកម្ពុជាបាននៅធ្វើតែរកឃើញវីរុសកូវីដ-១៩ នៅលើសាច់បង្កកនាំចូលពីប្រទេសឥណ្ឌាចំនួន៣កុងតឺន័រក្នុងចំណោមសាច់ដែលនាំចូលសរុប១៥០កុងតឺន័រ។ បន្ទាប់ពីរកឃើញមានវីរុសកូវីដ-១៩ រដ្ឋាភិបាលបានបញ្ជាឲ្យដុតបំផ្លាញសាច់ទាំង៣កុងតឺន័រនោះចោលផងដែរ៕
